Presidenti i Republikës së Kosovës, Hashim Thaçi ka kërkuar sot që të shpallet gjendje e jashtëzakonshme në Kosovë, si shkak i pandemisë së koronavirusit.

Por, këtë propozim të dhënë në Këshillin e Sigurisë nuk e ka përkrahur Kryeministri Albin Kurti.

Menjëherë pas konferencës së Thaçit, ka dalë zëvendëskryeministri Haki Abazi duke kundërshtuar propozimin, pasi konsiderojnë se masat e deritanishme të marra janë të nevojshme.

Nga radhët e LDK-së, partnerit të Kurtit në Qeveri, nuk janë dakord me refuzimin qeveritar. Ministri i Brendshëm, Agim Veliu në Klan Kosova ka thënë që duhet të shpallët gjendje e jashtëzakonshme sepse sipas tij gjendja është e rëndë.

Tash pritet Kuvendi i Kosovës të vendosë për propozimin e presidentit. Me gjasë LDK do të votojë pro propozimit.