Është miratuar heqja e pjesshme e taksës 100% me shumicë votash sot në mbledhjen e Qeverisë.

Këtë e ka mundësuar vota e ushtruesit të detyrës së Ministrit të Brendshëm, Xhelal Svecla, pasi ministrat e LDK-së nuk votuan.

Ndaj këtij vendimi kanë abstenuar edhe ministrat e Listës Serbe të Qeverisë Kurti.

Kjo do të thotë se taksa do të hiqet për lëndën e parë, derisa nga 1 prilli pritet të hiqet tërësisht.

Mbledhja është mbajt në distancë, bazuar në rregullore.

Ndryshe, Xhelal Sveçla po ushtron detyrën e ministrit, pasi Kryeministri Kurti, dy ditë më parë shkarkoi nga Ministri i Brendshëm Agim Veliun. Veprim ky që nxiti LDK-në që të iniciojë mocion mosbesimi ndaj Qeverisë Kurti, që tashmë është dorëzuar në Kuvend.