Instituti Kombëtar i Shëndetësisë ka njoftuar sot se janë kryer analiza për 30 mostra të dyshuara për koronavirus, 4 prej të cilave kanë rezultuar pozitive, duke çuar kështu në 28 numrin total të të infektuarve, shkruan Reporteri.net.

Nga katër rastet e konfirmuara, dy janë nga Prishtina, të dyja të gjinisë femërore, njëra e moshës 50 dhe tjetra 29 vjeçare, shkruan Reporteri.net.

IKSHP njofton se të gjitha kontaktet tanimë janë gjurmuar.

Kujtojmë se në Prishtinë kishte rezultuar pozitiv një rast edhe javën e kaluar, mirëpo ishte rast i importuar nga jashtë.  Bëhej fjalë për një 39-vjeçare, e cila kishte ardhur nga Londra.

Në Kosovë deri më tani janë konfirmuar 28 raste, në total, me COVID-19. Rasti i parë u identifikua para një jave në Stubull të Vitisë./Reporteri.net