Ish-mesfushori i Manchester Unitedit, Marouane Fellaini është infektuar me koronavirus pas rikthimit të tij në Kinë.

Lajmin ka bërë të ditur klubi i Fellainit, Shandong Luneng në faqen zyrtare ditën e sotme.

Fellaini, iu bashkua Shandongut në janar të vitit të kaluar nga Manchester Unitedi. Ai u rikthye në Kinë të premten me klubin e tij dhe rezultoi pozitiv me koronavirus.

Mesfushori belg ishte pa simptoma dhe ndodhet i izoluar

Lajmin për testimin pozitiv e ka konfirmuar edhe vet Fellaini përmes një postimi në Twitter.

“Të dashur miq, unë jam testuar për koronavirus dhe rezultati i testit tim ishte pozitiv. Falënderoj tifozët, stafin mjekësor dhe klubin për kujdesin dhe vëmendjen. Unë do të ndjek trajtimin dhe shpresoj të kthehem së shpejti në fushë”, shkruan Fellaini.