Amir Rrahmanit nuk i ka pëlqyer fare se çfarë ndodhi mbrëmë në Kuvendin e Kosovës, ku në këtë situatë me pandeminë, u rrëzua qeveria Kurti

Kapiteni i Kombëtares së Kosovës me anë të një postimi të bërë në Instagram ka reaguar për ngjarjet e fundit politike në vend, shkruan Reporteri.net

Rrahmani ka thënë se mbrëmë ra edhe fjala e popullit pasi u rrëzua edhe njeriu që ka marr vota më së shumti në 15 vitet e fundit.

Ky është postimi i plotë i mbrojtësit të Veronës:

“Asnjëherë nuk jam marr me politikë, por në një situatë pandemike të kenë më shumë rëndësi interesat personale se sa shëndeti i kosovarëve, nga të cilët nesër do të kërkojnë votën prapë, është e pakuptueshme”, ka shkruar Rrahmani.

“Edhe sa duhet te presim që Kosova të bëhet një shtet europian? Si çdo kosovar, edhe unë dua që shteti i imë të përparoj, që të kemi një jetë më të mirë të gjithë sepse një ditë edhe unë dua të kthehem dhe të jetoj aty. Është vendi i ynë. E DUA”.

Krejt në fund Amiri ka shkruar edhe një porosi për rënien e qeverisë.

“Njeriu që ka marrë vota nga populli më së shumti në 15 vitet e fundit, bie. Bie edhe fjala e popullit”.