Departamenti amerikan përmes një deklarate zyrtare mbrëmë ka demantuar deklaratat e Kryeministrit të Kosovës, Albin Kurti se ka marrëveshje sekrete mes Thaçit dhe Vuciqit e të bërë në Shtëpinë e Bardhë.

Zyrtari i LVV-së, Jeton Zulfaj sot ka thënë se është e qartë që nuk ka marrëveshje sekrete porse Grenell i është gëzuar rrëzimit të Qeverisë.

“Grenell: Nuk ka marreveshje sekrete ama ‘i kenaqur me rrezimin e qeverise’Pse?” shkruan Zulfaj në Facebook.

Kujtojmë se dje përmes një Deklarate të përbashkët e të dërguarit special të presidenti, Richard Grenell, ambasadori Philip Kosnett dhe Përfaqësuesit Special për Ballkanin Perëndimor, Matthew Palmer, Shtetet e Bashkuara të Amerikës kanë demantuar deklarata e Kryeministrit të Kosovës, Albin Kurti se ka marrëveshje sekrete mes Thaçit dhe Vuciqit e të bërë në Shtëpinë e Bardhë.