Kryetarja e Kuvendit të Kosovës, Vjosa Osmani, nuk ka pasur me asnjë reagim apo fjalë pas natës së rrëzimit të Qeverisë Kurti nga 2/3 e deputetëve.

Osmani madje tash e dy ditë, nuk ka derguar asgjë në presidencë siç ka qenë praktikë institucionale kur janë rrezuar qeveritë.

Kjo behet që të mos ketë vonesa në ndërmarrjen e hapave konkretë nga ana e presidentit Thaçi, pasi që pa dërgimin e njoftimit zyrtar as ai nuk ka ndërmarrë ende asnjë veprim deri më sot.

Zyra e Presidentit nuk ka dashur të flasë zyrtarisht rreth kësaj çështjeje, duke thënë se po i respektojnë procedurat.

Ndërsa, presidenti Thaçi, pas vizitës që i bëri karantinës në Qendrën e Studentëve, ritheksoi edhe një herë që duke filluar nga e hëna, duke respektuar Kushtetutën dhe ligjet e Kosovës në tërësi dhe përpikëri, do të fillojë konsultimet me liderët e partive politike.
Thaçi ka thënë se atyre do ua prezantojë edhe kriteret mbizotëruese për të lëvizur nga kjo situatë e re politike. /Reporteri.net