Një operacion i madh policor është duke u zhvilluar në Londër pranë ndërtesës së ambasadës ukrainase pas një aksioni të qëllimshëm ku u godit vetura e ambasadorit të Ukrainës.

Siç u tha nga ambasada e Ukrainës, një veturë me qëllim goditi veturën e parkuar të ambasadës, përcjell reporteri.net.

“Policia u thirr menjëherë dhe automjeti i të dyshuarit u bllokua. Megjithatë, pavarësisht nga veprimet e policisë, sulmuesi goditi përsëri veturën. Si përgjigje, policia u detyrua të hapte zjarr mbi automjetin e kryerësit. Kryerësi u arrestua dhe u dërgua në një stacion policor”, tha ambasada, raportojnë mediat britanike.

Diplomatët ukrainas nuk u lënduangjatë incidentit. Motivi për sulmin nuk është i qartë deri më tani.

Dëshmitarët thonë se kanë dëgjuar deri në dhjetë të shtëna me armë.

Disa nga rrugët përreth janë mbyllur për trafik. /reporteri.net