Aleksander Ceferin, presidenti i UEFA, ka pranuar se sezoni aktual i futbollit mund të mos vazhdojë, nëse nuk rifillon deri në fund të qershorit.

Pjesa më e madhe e ligave në të gjithë Evropën u pezulluan kohët e fundit për shkak të pandemisë koronavirus, përcjell GazetaBlic.Në takimin e fundit të UEFA me zyrtarët e federatave të pranuara, u caktua që sezonet e futbollit duhet të përfundojnë deri me 30 qershor.

Ceferin beson se nëse futbolli nuk rikthehet të paktën deri me 30 qershor, ekziston mundësia që sezoni 2019-20 të anulohet dhe të mos jepen titujt fare.

“Nëse nuk kemi sukses në rifillimin, sezoni mund të humbasë,” i tha ai La Repubblicas.

“Është e vështirë për mua të imagjinoj të gjitha ndeshjet pas dyerve të mbyllura, por ne ende nuk e dimë nëse do të rifillojmë sezonet, me ose pa tifozë,” tha ai.

“Nëse nuk do të kishte asnjë alternativë, do të ishte më mirë të përfundonim kampionatet”, përfundoi ai.