Në kohën kur në Kosovë po rritet numri i të infektuarve me koronavirus, qytetarët përpos lajmeve shqetësuese po përballen edhe me një shaka të pakripë.

Një mesazh i rremë ka filluar të shpërndahet në celularët e tyre. Në mesazhin që thuhet se qytetarët janë të ftuar të bëjnë analizat në QKUK, nuk vjen nga IKSHPK-ja apo QKUK.

Nga Ministria e Shëndetësisë, kanë bërë të ditur se bëhet fjalë për një mesazh të rremë. Ndërkohë, ekspertët e kibernetikës në vend, kanë publikuar numrin nga i cili mesazhi i rremë po u dërgohet qytetarëve, shkruan Reporteri.net.

Mentor Hoxhaj, ekspert i kibernetikës ka kërkuar nga organet kompetente marrjen e masave. Ai po ashtu u ka bërë thirrje operatorëve telefonik që të mos lejojnë dërgimin e mesazheve nga ky numër.

Kujtojmë se numri i të prekurve me koronavirus në Kosovë gjatë ditës ka arritur në 108, 40 pacientë janë duke u trajtuar në Infektivë, një prej tyre në gjendje më të rëndë. /Reporteri.net

https://www.facebook.com/photo.php?fbid=2520012461572234&set=a.1539764789597011&type=3