Ndeshjet e fundit të Ligës së Kampionëve dhe Europa League të këtij sezoni raportohet se do të luhen në korrik dhe gusht – pasi pandemia e koronavirusit vazhdon të përhapet.

Mediumi gjerman ZDF, thotë se UEFA do të vendosë sot që ndesjet e Ligës së Kampionëve dhe Europa Leagues do të luhen në korrik dhe gusht, kurse ndeshjet e kombëtareve do të shtyhen për në vjeshtë.

Kjo i bie që ndeshja e Kosovës me Maqedoninë që ishte planifikuar të luhej më 4 qershor do të shtyhet për muajin shtator.

I gjithë futbolli në të gjithë Evropën është pezulluar për shkak të pandemisë koronavirus dhe ende nuk dihet se kur do të rifillojnë ligat.

Raportohet se ndeshjet e Ligës së Kampionëve dhe Europa League mund të luhen pa tifozë, ndërsa për ndeshjet e ligave nuk është vendosur akoma.