Klubet e Serisë A, pritet të rinisin stërvitjen në datën 4 maj.

Lajmi bëhet i ditur nga “Gazzeta dello Sport”, atje ku thujet se 3 opsionet e mundshme për rinisjen e kampionatit janë më 24 maj, 31 maj ose 7 qershor, përcjell GazetaBlic.

Për ta përfunduar ligën, me 13 javët e mbetura të këtij sezoni, do të duhen gjashtë javë e gjysmë.

Kësisoj sezoni aktual i Serisë A të mundë të përmbyllet në fillim ose në mes të korrikut. Gjithmonë nëse situata nuk përkeqësohet.

Për sa i përket rifillimit të stërvitjes, Serie A po planifikon ta ndjekë shembullin e Bundesligës gjermane, fillimisht duke e mbajtur distancën e nevojshme prej 2 metrave mes lojtarëve e pastaj gradualisht duke iu kthyer normalitetit.