Covid-19 nuk ka shënuar asnjë rast pozitiv në Sarandë, por dëmet në ekonomi po ndihen qysh tani. Në qytetin jugor duhet të kishin mbërritur turistët e huaj dhe krocerat, por situata e pandemisë ka mbyllur çdo biznes në sektorin e hoteleri turizmit. Edhe peshkimi po pëson krizë, për shkak të rënies se fuqisë blerëse.

Koronavirusi, nuk ka prekur asnjë qytetar në Sarandë, por ekonomia nuk i ka shmangur demet për shkak të situatës së krijuar.

Në qytetin jugor duhet të kishin mbërritur turistët e huaj dhe krocerat, por situata e pandemisë ka mbyllur çdo biznes, ndërsa sektori i hoteleri turizmit, fle si asnjëherë tjetër.

Disa hotele vijojnë ende rikonstruksionet dhe përgatitjet për sezonin veror, pa pasur një datë kur dyert e tyre do të hapen.

Përveç turizmit që është sektori më i prekur edhe peshkimi në këtë qytet ka dhënë shenjat e krizës.

Në Sarandë peshkatarët thonë se askush nuk po blen më produkte deti, një pjesë e tyre nuk i nxjerrin më varkat.

Ndërsa të tjerë kthehen në shtëpi me produktet e pashitura.