Ndërsa lufta kundër virusit korona vazhdon në të gjithë globin, një paralajmërim i qartë vjen për Bjellorusinë, i vetmi vend në Evropë ku vazhdojnë ndeshjet e futbollit.

Dr. Patrick O’Connor, i cili vizitoi Bjellorusinë këtë javë, tha se numri i rasteve mund të rritet dhe nënvizoi se ndeshjet e futbollit duhet të pezullohen sa më shpejt që të jetë e mundur, përcjell GazetaBlic.

“Sipas të dhënave që kemi, numri i testeve pozitive dyfishohet çdo ditë në Bjellorusi,” shpjegon O’Connor.

“Për këtë arsye, ata duhet të rrisin të gjitha masat e izolimit dhe të ndalojnë tubime masive siç janë sportet ”.

Ndërkohë, Ministri i Shëndetësisë në Bjellorusi u ka hedhur topin zyrtarëve të futbollit me fjalët “Pezullimi i ligave nuk është një vendim që mund të marr” duke shpjeguar reagimet e shfaqura në të gjithë botën.

Në Bjellorusi deri më tani, numri i rasteve pozitive ështl 2222, ndërsa 23 persona kanë vdekur.