Kryetari i komunës së Prishtinës, Shpend Ahmeti, ka thënë se qarkullimi i qytetarëve do të lejohet prej orës 06:00 deri 17:00, vetëm për ata që kanë nevojë të dalin.

Ahmeti përmes një postimi në Facebook, ka njoftuar se qarkullimi i lëvizjes sipas orarit nuk është për personat që duan të dalin të shëtisin. Gjithashtu bllokimi për hyrje- dalje në Prishtinë do të vazhdojë, përveç listës së dërguar nga Ministria e Shëndetësisë.

“Nga ajo që dëgjuam në konferencë për media nga niveli qendror, masat mbesin të njejta. Pra qarkullimi brenda komunës tonë lejohet prej 06-17, për ata dhe vetëm për ata që kanë nevojë me dal. Hyrje daljet në Prishtinë mbesin të bllokuara përveç listes së dërguar nga Ministria e Tregtisë”, tha Ahmeti.