Komuna e Malishevës ka njoftuar përmes një shkrimi adresuar mediave, se tre persona janë shëruar plotësisht nga Coronavirusi në Malishevë.

Këtë e kanë konfirmuar vet pacientët dhe familjarët e tyre gjatë komunikimit me shtabin komunal për menaxhimin e situatës me Coronavirus në Malishevë.

Tre të shëruarit nga Coronavirusi, numrin total e çojnë në 21 gjithsej.

Më poshtë gjeni njoftimin e plotë nga komuna:

“Edhe tre persona të prekur me COVID-19, nga Komuna e Malishevës, janë shëruar plotësisht. Këtë e kanë konfirmuar vet pacientët dhe familjarët e tyre, në komunikimin me shtabin komunal për menaxhimin e situatës me COVID-19 në Malishevë.

Numri i të shëruarave nga Malisheva, po shkon drejt rritjes së vazhdueshme dhe me rastet e sotme, arrin në 21 persona të shëruar, dhe në ditët në vijim ky numër pritet të rritet në vazhdimësi.

Rritja e numrit të të shëruarve na bën të gjithëve të jemi edhe më të kujdesshëm dhe ti zbatojmë të gjitha udhëzimet e Institutit Kombëtar të Shëndetit Publik, për kujdes të shtuar për mos përhapjen e COVID-19″, thuhet në njoftim.