Ministri i Financave, Besnik Bislimi ka shkruar në lidhje me paratë e grumbullura nga donacionet e mërgimtarëve për t’i ndihmuar Kosovës në luftimin e coronavirusit.

Bislimi ka thënë se deri më tani në llogarinë e Qeverisë janë derdhur 391.886 euro, shkruan Reporteri,net.

Ndryshe, Bislimi ka theksuar edhe vendet nga të cilat kanë dhënë më shumë para qytetarët por duke mos e harruar edhe Kosovën, ku edhe qytetarët që jetojnë në Kosovë kanë dhuruar rreth 22 mijë euro.

“Përditësim i informatës për donacionet në llogarinë COVID 19: Deri në këtë moment, në llogari janë derdhur 391.886 Euro. Donacione nga Zvicra janë 206.000 euro; nga Gjermania 92.000; nga Kosova 22.000 Euro, pastaj vijnë donacionet nga Suedia, Norvegjia, Austria, Mbretëria e Bashkuar dhe Belgjika.
Shumë faleminderit secilit prej jush”, ka shkruar Bislimi.