E ardhmja e Lautaro Martinez është njëra nga temat më të nxehta në opinionin futbollistik.

Barcelona e dëshiron me çdo kusht transferimin e argjentinasit në verë dhe drejtuesit e Interit kanë filluar të kërkojnë pasuesin e Lautaros.

Tuttosport, ka publikuar sot një lajm bombastik duke raportuar se emri i fundit në listën e Interit për pasuesin e Lautaros është Moise Kean.

E përditshmja torineze shkruan se Marotta ka marrëdhënie të shkëlqyeshme me Raiolan (agjentin e Kean) dhe transferimi mund të arrihet shumë lehtë.

Kean u transferua verën e kaluar te Evertoni për shifrën e 30 milionë eurove, mirëpo nuk ka arritur të ambientohet në Premier League dhe është i gatshëm për një rikthim në Itali.

Në rast se Kean rikthehet në Serie A, por si futbollist i Interit, kjo do të ishte tradhëtia e dekadës.