Orët e liridaljes nënat dhe fëmijët i kanë shfrytëzuar jo vetëm për të luajtur apo për ajrin e pastër, por dhe për të memorizuar me foto e video këto çaste.

Në ndihmë të tyre ishin dhe uniformat e policisë, që kanë shkrepur jo pak fotografi.

Nuk ka munguar as dëshira e fëmijëve të kishin kujtime pranë patrullave të forcave të rendit.

Orët e liridaljes i kanë pritur me padurim, ndaj dhe në çdo rrugë apo shesh i shihje duke luajtur.

Për nënat leje të tilla duhet të jenë më të shpeshta.

Sheshi “Skënderbej”, pedonalja e Tiranës, bulevardi i ri dhe bulevardi në Yzberisht ishin disa prej parqeve më të frekuentuara.

Ora 11 e ka gjetur sërish kryeqytetin e zbrazët, ndërsa zërat e fëmijëve janë zëvendësuar me ato të zogjve.

Apo dhe nga zhurma e atyre pak makinave që mund të qarkullojnë.