Kryetari i Prishtinës, Shpend Ahmeti u ka uruar qytetarëve një vikend të bukur me lajme të mira.

Ai në një status në Facebook ka thënë se Prishtina nga 66 raste pozitive me Covid-19, janë shëruar 45 plotësisht që do të thotë se janë vetëm 21 raste aktive.

Ahmeti po ashtu tha se një lajm tjetër i mirë është edhe shiu këtë vikend, pasi ka rënie të Badovcit e Batllavës, prandaj të reshurat në javë e parë të majit janë të rëndësishme për akumulimet.

“Sot, po ashtu super lajm është shiu duke marr parasysh që kemi rënie të Badovcit e Batllaves. Të reshurat në javën e parë të majit janë shumë të rëndësishme për akumulimet. Në përgjithësi vikend i bukur përkundër restriksioneve. Me disiplinën tonë të shërohemi plotësisht”, ka shkruar Ahmeti.