Sot Kosova ka mbushur 4 vjet nga pranimi i saj në shtëpin e futbollit, UEFA.

Nga shumë personalitet të sportit dhe kulutrës, edhe Presidenti, Thaçi ka uruar FFK-në dhe tifozët “Dardanë” në 4 vjetorin e pranimit të vendit tonë në UEFA, shkruan Reporteri.net.

Thaçi, për të gjithë këto të arritura të futbollit për vendin tonë, e falënderon legjendën, tashmë të ndjerin, Fadil Vokrri.

Ja postimi i plotë i Thaçit:

“Federata e Futbollit të Kosovës, para 4 vjetësh, zyrtarisht u pranua në UEFA. Kjo ishte pikënisje e një rrugëtimi të jashtëzakonshëm të kombëtares sonë në futboll në garat ndërkombëtare, e cila me talentin, energjinë, vetëbesimin dhe fitoret na magjepsi të gjithëve.

Në këtë ditë kujtojmë Fadil Vokrrin, legjendën e futbollit, strategun dhe njeriun që Kosovës tërë jetën e tij i solli vetëm suksese.

Anëtarësimi i jonë në UEFA krijoi një entuziazëm të papërshkrueshëm dhe ishte një kthesë e madhe për futbollin, popullin dhe shtetin e Kosovës. HTH”.