Kryeministri Albin Kurti e ka përmendur sërish gjendjen e jashtëzakonshme, që e rrezoi Qeverinë e tij dhe e nxiti një debat të madh me presidentin Hashim Thaçi.

Në një postim të para pak minutave në Facebook, Kurti është krenuar që edhe pa gjendje të jashtëzakonshme ka progres të madh në betejën kundër coronavirusit.

“Pa gjendje të jashtëzakonshme por me punë dhe përgjegjësi të pazakontë, sonte nga 220 teste për virusin Corona, 87 rezultojnë të shëruar e vetëm 1 pozitiv”, ka shkruar ai.
Presidenti Thaçi kishte propozuar gjendje të jashtëzakonshme. Ishte përkrahur edhe nga LDK dhe nënkryetari i saj, Agim Veliu që ishte Ministër i Punëve të Brendshme. Kurti e shkarkoi dhe kjo çoi në rrëzimin e Qeverisë. /Reporteri