Kapiteni shqiptar i Dinamos Zagrebit Arian Ademi mund të transferohet gjatë kësaj vere te Fenerbahçe.

Media kroate “vrisak.info” shkruan se ish-tekniku i skuadrës më të mirë të Kroacisë Nenad Bjelica shikohet si kandidati kryesor për të drejtuar Fenerbahçen sezonin e ri.

Ai dëshiron të sjellë 4 lojtarë nga futbolli kroat te Fenerbahçe dhe njëri prej tyre është dhe Ademi.

Por, duke parë lidhjen e fortë të tij me Dinamon duket shumë e vështirë që pas 8 vitesh, Ademi të largohet nga klubi më i suksesshëm në historinë e futbollit kroat.

Nëse do të kalojë te Fenerbahçe, Ademi do të bashkohet me një tjetër futbollist shqiptar, sulmuesin e Kosovës Vedat Muriqin.

Arjan Ademi ka fituar me Dinamon 8 kampionate kroate dhe ka përfaqësuar skuadrën në kompeticionet europiane.