Ka vjet që Xhemajl Bytyçi po kërkon që t’i njihet e drejta e pensionit invalidor si ish -luftëtar i UÇK-së.

Por, lëndimet të cilat i mori sa ishte ushtar në Zonën e Pashtrikut, nuk po i njihen nga komisioni, i cili merret me verifikimin e invalidëve të luftës.

Është hera e tretë që Bytyçi po thotë se iu refuzua e drejta për të gëzuar këtë pension.

Ushtruesja e detyrës së Departamentit të familjarëve të dëshmorëve dhe invalidëve të UÇK-së, Sanije Rexha thotë se dy shkallët e komisionit që bënë vlerësimin për Bytyçin konkluduan se ai nuk i plotëson këto kushte, raporton KTV.

E vetmja mundësi, sipas Rexhës, është që Bytyçi t’i drejtohet gjykatës për të kërkuar të drejtën e pensionit ose që, pas një viti përsëri të kërkojë rivlerësim nga komisioni përkatës.