Ministri në detyrë i Shëndetësisë, Arben Vitia, së bashku me Kryeministrin në detyrë, Albin Kurti, kanë mbajtur sot një konferencë për media ku kanë njoftuar se nga data 18 maj do të kalohet nga faza e parë, në të dytën, sa i përket masave për parandalimin e Covid-19.

Në këtë konferencë, Vitia ka bërë të ditur se garat sportive nuk do të fillojnë para datës 2 qershor, njofton Klan Kosova.

“Gjatë kësaj jave kemi pasur takime me shumë akterë të tjerë ku kemi diskutuar rreth mënyrës se si t’i qasemi fazës së dytë. Në mësin e këtyre takimeve kanë qenë edhe ato me Komitetin Olimpik si dhe me Federatën e Futbollit të Kosovës”.

“Gjatë këtij takimi, jemi dakorduar që ditëve në vijim të merret një vendim se si do t’i qasemi këtij problemi”.

“Jemi dakorduar edhe me mirëkuptimin e të pranishme se fillimi i garave nuk mund të fillojë para fazës së tretë – 2 qershorit”.