Presidenti   i vendit Hashim Thaçi e ka hedhur dyshime mbi kërcënimin që kryeministri Kurti tha se mori nga Garda Vullnetare shqiptare, një organizatë kjo e panjohur më parë.

Në një intervistë për “Rubikon” që pritet të transmetohet sonte, Thaçi ka thënë se komunikata kërcënuese ndaj Kurtit është shkruar nga vetë ai, në zyrat e Vetëvendosjes.

“Komunikata e Gardës Vullnetare shqiptare është shkruar nga vetë Kurti dhe në selinë e partisë së tij”, ka thënë Thaçi.

Kujtojmë se ditë më parë Thaçi e kishte quajtur Vetëvendosjen organizatë kriminale, për çka kishte pasur reagime të shumta.

Gjatë ditës së djeshme kryeministri Kurti shkroi një status  ku tha se do të dështojë edhe përpjekja e fundit e Thaçit për largim e tij nga Qeveria.