Haradinaj: Rreziku i ndarjes ka kaluar, tash mund të bëhet presion për Dodik Republikë

Lajme

Haradinaj: Rreziku i ndarjes ka kaluar, tash mund të bëhet presion për Dodik Republikë – duhet ta kundërshtojmë së bashku

Reporteri

21 Maj 2020 | 21:36

Kryetari i AAK-së, Ramush Haradinaj, ka thënë se rreziku i ndarjes së Kosovës ka kaluar, por ka thënë se tash mund të bëhet presion për ndonjë Dodik Republikë.

Ai ka thënë se Kosova duhet ta kundërshtojë këtë dëshirë të Serbisë duke respektuar rendin e vet kushtetues.

“Te ndarja ka kalu rreziku. Tash rreziku është te Dodik Republika. Aty ka me u bë presioni. Unë jam kundër Dodik Republikës në Kosovë, por ne nuk duhet çdo herë të trembemi nga ajo”, ka shkruar ai.

Lexo edhe:

“Po nihna që s’ekzistoj”, historia e trishtë e nënës dhe tre fëmijëve pa asnjë dokument

Apel për ndihmë, Profesori Arben Hajdari ka nevojë për përkrahje

Nesër ftohtë me shi e erë – viseve malore edhe borë

Sipas Haradinajt, nëse Kosova është unike në qëndrimin e saj, Asociacioni i cili tashmë është anti-kushtetues nuk mund të imponohet në Kosovë.

Për këtë gjë, ka thënë ai, ka dakordim mes partnerëve të koalicionit për qeverinë e re.

“Ne duhet të themi se jemi për njohje reciproke dhe Kosova respekton rendin e vet kushtetues, që i vjen që Kosova nuk krijon ndonjë monstrum brenda vetes.Ne kemi rënë dakord që Asociacion nuk mund të kemi jashtë Kushtetutës së vendit”, ka thënë Haradinaj.

Shpërndaje: