Kreu i AAK-së, Ramush Haradinaj, në intervistën për Gazetën Online ‘Reporteri.net’, insiston sërish se heqja e taksës 100% ndaj Serbisë, pa përfituar asgjë Kosova, ishte gabim i Qeverisë Kurti.
Sipas ish-kryeministrit Haradinaj, heqja e taksës dhe zëvendësimi i saj me reciprocitet ka mundësuar që në Kosovë, vetëm gjatë prillit, edhe përkundër pandemisë, të hyjnë dhjetëra milionë Euro mallra serbe.
“Heqja e taksës duke mos ditë me nxjerrë një vlerë për Kosovën, por fshehja pas reciprocitetit, i bani shumë damë Kosovës”, deklaron Haradinaj në intervistën për Reporteri.net.
“Pra ne taksen e kemi hekë, gjatë muajt prill edhe pse pandemi kanë hyrë dhjetëra milionë Euro mallra serbe në Kosovë”, shton ish-kryeministri.
“Nuk murrem asnjë shpërblim si Kosovë për këtë, përkundrazi kemi mbetur ende të kritikuar”, thotë Haradinaj për Reporteri.net.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
