Në Klinikën Infektive të QKUK-së, po trajtohen nëntë pacientë të prekur me koronavirus.

Në raportin e përditshëm të QKUK-së njoftohet se pesë prej tyre janë në gjendje stabile, dy janë duke u trajtuar me oksigjenoterapi dhe përkujdesje intensive, kurse dy të tjerë janë në repartin e Mjekimit Intensiv dhe janë në gjendje të rëndë, shkruan Reporteri.

Kujtojmë se meqenëse numri i të infektuarve në Kosovë ka rënë gjatë ditëve të fundit, dje është marrë vendim që nga e enjtja të lehtësohen disa masa, duke përfshirë edhe lëvizjen e qytetarëve.

Njoftimi i plotë, pa ndërhyrje:

Në klinikën Infektive të Qendrës Klinike Universitare të Kosovës, sot me 26.05.2020, janë të hospitalizuar 10 raste.

Prej tyre të sëmurë me Covid-19 janë gjithsej 9 raste. Gjendja e pacientëve të sëmurë me Covid- 19 është si vijon:

5 raste janë në gjendje stabile, dy raste trajtohen në repart me oksigjenoterapi dhe përkujdesje intensive.

Në Repartin e Mjekimit Intensiv janë duke u trajtuar 2 raste të tjera në gjendje të rëndë.