Kreu i Aleancës Kosova e Re, Behgjet Pacolli, në intervistën për Gazetën Online “Reporteri.net”, ka komentuar vendimin e Gjykatës Kushtetuese lidhur me dekretin e presidentit Thaçi për mandatimin e Avdullah Hotit për kryeministër.

Ai ka thënë se ka lexuar përmbajtjen e vendimit dhe konsideron që është vendim i qartë dhe i drejtë.

https://www.facebook.com/reporteri/videos/718369522314026/

Pacolli tutje ka thënë se zgjidhja e problemit është kthyer aty ku e ka vendin, në Kuvendin e Kosovës.

“Zgjidhja e problemit është kthyer praktikisht aty ku e ka vendin, aty ku e ka shtëpinë, është kthyer në Kuvendin e Kosovës dhe të vendosin përfaqësuesit e qytetarëve se a duan qeveri të re apo do votojnë kundër kësaj qeverie dhe kjo do të thotë se drejtpërdrejtë do të shkohet në zgjedhje.”, ka thënë ai për Reporteri.net.