Kryesia e Kuvendit do të mblidhet nesër në ora 10:00 për të shqyrtuar kërkesën e Lidhjes Demokratike të Kosovës për thirrjen e seancës për votimin e Qeverisë Hoti.

Këtë e kanë bërë të ditur për Reporteri.net nga kabineti i kryeparlamentares Vjosa Osmani.

Menjëherë nga marrja e aktgjykimit të plotë të Gjykatës Kushtetues, Lidhja Demokratike e Kosovës ka deponuar kërkesën me nënshkrime të deputetëve për thirrjen e seancës për të mërkurën në orën 11:00.

Këtë e ka konfirmuar shefi i Grupit Parlamentar të LDK-së Arben Gashi, i cili tha se kanë siguruar votat për miratimin e qeverisë së re. /Reporteri.net/.