Një grup i qytetarëve është mbledhur para Kuvendit të Kosovës.

Disa prej tyre kanë deklaruar për mediat se ata janë mbledhur si qytetarë për të kundërshtuar qeverinë e re, dhe se jo si anëtarë të partive.

Ata kanë thënë se janë kundër rikthimit në pushtet të atyre që kanë keqqeverisur me vendin në 20 vjetët e fundit.

Këta qytetarë kanë mbajtur në dorë flamurin e Kosovës dhe të Shqipërisë, ndërsa një vajzë ka mbajtur një pankartë me mbishkrimin “Vota ime nuk lejoj të manipulohet”. /Reporteri.net/.