Një person ka vdekur nga koronavirusi, sonte në Klinikën Infektive të Qendrës Klinike Universitare të Kosovës, duke e çuar kështu në 31 numrin e të vdekurve nga ky virus.

Lajmi u bë i ditur nga kjo klinikë, përmes një postimi në Facebook.

Klinika Infektive ka njoftuar se i ndjeri është 71-vjeçar dhe vjen nga Komuna e Vushttrisë.

“Pacienti Sh. G. i lindur më 1949 me vendbanim në Vushtrri është pranuar në Klinikën Infektive me datën 10. 05.2020 dhe krahas diagnostikimit me COVID -19, vuante edhe nga sëmundje të tjera shoqëruese.”, thuhet në njoftim.

Deri tani në Kosovë janë konfirmuar 1 mijë e 158 të infektuar nga koronavirusi, derisa 876 janë shëruar.