Në bjeshkët e bukura të Prevalles, sot është përuruar një urë e cila është e veçantë, jo vetëm për funksionin që kryen.
Atë e ndërtuan me mjetet e tyre Sabri e Rukije Bunjaku nga Gjilani, si dedikim për për banorët e zonës, në shenjë kujtimi për nipin e tyre Rinorin, i cili vdiq në moshë të re, para një viti.
Në këtë ceremoni ka marrë pjesë edhe nënkryetari i Komunës së Gjilanit, Arbër Ismajli, i cili ka kumtuar lajmin.
Postimi i Ismajlit:
Të dashur qytetarë,
Sot, ishim në malet e bukura të Prevalles, për të përuruar urën për kalimin e disa banorëve të asaj ane, e cila është financuar nga gjyshërit, Sabri dhe Rukije Bunjaku. E gjithë ky financim e nderim, është bërë në shenjë respekti e kujtimi për nipin e tyre, Rinorin e vogël, i cili para disa ditësh mbushi 1 vit nga vdekja e tij.
Kjo urë tashmë do të jetë simbol rikujtimi për Rinor Bunjakun, nga të gjithë banorët e asaj ane, por, edhe vizitorët e shumtë të cilët i vizitojnë këto treva. Rinor Bunjaku, do të jetë përherë në zemrat dhe mendjet tona, dhe, kujtimi për të u shënjëstrua edhe në këtë urë, të cilën sa herë që do ta vizitojmë, do të ndjehemi me kujtimet më të mira për të.
Qoftë i përjetshëm kujtimi për Rinor Bunjakun!
https://www.facebook.com/ismajliiarber/posts/140595070944675?__xts__%5B0%5D=68.ARCjv1rDgq-Z-p_hTpfRHJGEuAuG-EqwVRvIIiwVmo2dHi9d2xqiPHXe6sEbrGdUtzbOPfkdRZuGTY2-jT-x8VxlRW3eEfkPK7ET8xmuYw2IssiPtxjr8U0zTM4kTgbT2rTZxu0r6eo-2wAPqq8rPGT9coSJPr6VWwgjQ9Dx4La_KdC2aqgn_DRZlfUIG4NWtuqEyQri3oI5S0NGjpCJeWleFedcu-cmxQKP_uCC9nkhqZOLNpWZkclb2VdZSyMVUKOHgBRnaA8ymIg1XQhKkAN5gGHhMrifRLNw4UekNZTc4wc7yDYx7_0mC1viM5lNpobWb5ix4YMbHGRSdipCb40&__tn__=-R
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
