Kryeministri i Kosovës, Avdullah Hoti, ka pritur sot në takim shefen e Zyrës së Bashkimit Evropian dhe Përfaqësuesen e Posaçme të BE-së në Kosovë, Nataliya Apostolova.

Apostolova në takim erdhi e pajisur me masa mbrojtëse kundër COVID-19.

Ndryshe nga kryeministri Hoti, ajo u pa të ketë vënë dorëza dhe maskë mbrojtëse, shkruan Reporteri.net.

Hoti mesa duket nuk po i respekton rekomandimet nga Instituti Kombëtar i shëndetit Publik të Kosovës dhe Ministria e Shëndetësisë, për mbajtjen e mjeteve mbrojtëse për të parandaluar përhapjen e koronavirusit.

Gjatë takimit, Hoti tha se Qeveria e Kosovës, do të punojë ngushtë me BE-në pëe ta shpejtuar procesin e integrimit të vendit tonë në familjen e vendeve demokratike evropiane.

Ndërsa Apostolova, pasi e përgëzoi kryeministrin Hoti për detyrën e re, theksoi se Bashkimi Evropian do të vazhdojë t’i përkrahë institucionet e Kosovës për menaxhimin e pandemisë COVID-19 si dhe do t’i sigurojë Qeverisë së Kosovës mbështetje financiare për rimëkëmbje ekonomike.

/Reporteri.net/