Kryetari i Lëvizjes Vetëvendosje, Albin Kurti vizitoi disa prej pikave ku po nënshkruhet peticioni në Prishtinë.

Së bashku me disa aktivistë, ai fillimisht vizitoi pikën në lagjen Kodra e Trimave, ku përherë numri i nënshkruesve është i madh, për të vazhduar në Tauk Bahçen e freskët ku takoi disa qytetarët që po e nënshkruanin peticionin, e më pas edhe në lagjen Mati, te rrethi i qytetit dhe sheshi qendror.

Por në fotot e publikuara nga VV vërehet se si Kurti në një foto me një qytetare apo aktiviste i ngrit “gishtat e rugovizmit”, shkruan Reporteri.net.

Kurse në një foto ka realizuar edhe me disa vajza që mbajnë shami.

Ndryshe VV thotë se nënshkrimi i peticionit po vazhdon nëpër të gjitha qytetet.

“Mbrëmë kaloi numrin 150 mijë, dhe besojmë se këtë javë do ta kaloj numrin 200 mijë. Qytetarët janë të bindur se e vetmja mënyrë për ta rikthyer një qeverisje legjitime në vend është përmes zgjedhjeve të lira që duhet të organizohen sa më parë. Ditëve në vijim, Kryetari Kurti do t’i vizitojë edhe qytetet tjera ku po nënshkruhet peticioni”, thuhet në njoftim.

https://www.facebook.com/vetevendosje/posts/10156895111147000?__xts__%5B0%5D=68.ARAcbtpBGiPMmyeU2299GXzHrsbmCyBNeRxMk7MDxYOdA4B3HYAd_ULTandmyiXudHK4YCs1JMV4q7cx7bhAVj18G86j-tEGRSSmvAHDfzdUrW4XRhjutD1wuIAeA2QqgEa0A5SSEGcjPD86LRFDJ23wyVhLZg2SJa0L-X2Fqj4EGFBXLfibarAsZdYvS6twd67QHzXXyvrl9jZMGSkIBnQvohflDX70bluC_EFi2KGLFgjZZFVgiRYaJSwfC4AvX0yl4KeHqQrVtVEsPrH3tlMTQQVi71Nh4xyuTfSx1RrK2qQOSFd2Ov34KRtVWx2vWZs8MYxAJcl4oRVsRQ&__tn__=-R

/Reporteri.net/.