Gjatë mbledhjes së sotme të Këshillit të Integrimit, kryeministri Edi Rama foli për marrëveshjen e re për reformën zgjedhore dhe rolin e ambasadorëve.

Sipas Ramës nuk mund të bëjmë më dialogë në ambasada dhe se për të personalisht kjo është hera e fundit.

“Jemi të pashoq në një paaftësi kronike përë të dialoguar mes veti, për të gjetur zgjidhje për ato çështje që janë të krijuara nga sepebe politike, që nuk e konkurrojnë dot madhësinë dhe peshën e një qëllimi që këtu te ne e ndajnë të gjithë. Pra nuk kemi asnjë forcë tjetër që të predikojë diçka që shkon në konflikt me këtë.
Jemi ende të paaftë të komunikojmë shqip më njëri tjetrin, pa përkthyes. Kur sheh përfundmin për tu mbyllur në ambasadë t’i lënë gjërat siç janë , del në përfundimin se pse ne duhet të kërkonim strehë në ambasadë. Më vjen keq, por mendoj se miqtë tanë nuk duhet të ndjehen me në këtë pozitë.

Nuk mund të bëjmë më dialogë në ambasada, për mua personalisht kjo është e fundit. Le ta dinë të gjithë, se nëse jemi seriozë në ne nuk mund të bëjmë më sikur nuk jemi të njëjtët për t’i zgjidhur çështjet bashkarisht.

Me presidentin kemi çështje të hapura, por patjetër që mund të takoheshim te presidenti, kryetari i kuvendit, kryemyftiu i Tiranës, Baba Mondi, kreu i komunitetit Katolik, apo protestantët. Nëse ky quhet këshilli kombëtar i Integrimit, këtu duhet të ishte edhe opozita e sotme, pasi është alternativa dhe qeveria e nesërme, pasi kështu me radhë” tha Rama.