“Obligimi për të bartur maska do të mbetet derisa ne e mposhtim përfundimisht virusin, që do të jetë kur të kemi një terapi apo vaksinë efikase”, ka thënë Illa.

Tri javë më parë, Spanja e kishte bërë të detyrueshme bartjen e maskave në publik, aty ku nuk mund të mbahet distanca sociale. Ky rregull vlen për secilin mbi moshën gjashtë vjeçare.

Përderisa ka filluar të bie numri i viktimave në këtë vend, Qeveria ka filluar të lehtësojë kufizimet.

Shumica e kufizimeve do të largohen më 21 qershor, kur edhe përfundon gjendja emergjente, porse qeveria dëshiron të mbajë masat në mënyrë që të ndalojë një shpërthim të virusit.