Kryetari i Komunës së Prishtinës, Shpend Ahmeti ka njoftuar Kuvendi Komunal ka aprovuar themelimin e fondit për grante për bizneset e vogla dhe të mesme, transmeton Reporteri.net

Ky fond ka vlerën 5 milionë euro. Aplikimi për grante do të bëhet online. Ahmeti ka thënë se procedurat do të jenë shumë të thjeshta.

“Sot në Kuvendin Komunal të Prishtinës u aprovua propozimi jonë për themelimin e fondit për grante për bizneset e vogla dhe të mesme në vlerë prej 5 milion Eurove. Aplikimi do të bëhet online dhe bizneset duhet të dëshmojnë humbjet nga covid19. Procedura do të jetë sa më e thjeshtë dhe transparente. Për të gjithe detajet do të njoftoheni me kohë. Falemnderit asambleistëve për voten për!”, ka shkruar ai.