Me propozimin e Grupit Parlamentar të Lidhjes Demokratike të Kosovës, Kuvendi i Kosovës, sot në seancë plenare vendosi që deputeti Shkëmb Manaj, të zgjedhet Kryetar i Komisionit për Legjislacion, Mandate, Imunitete, Rregullore të Punës dhe mbikëqyrje të Agjencisë Kundër Korrupsionit.

Manaj i cili ka qenë anëtar i këtij komisioni, merr pozitën e kryetarit pasi që kryetari i mëparshëm i këtij komisioni Driton Selmanaj është emëruar zv.kryeministër në Qeverinë Hoti, shkruan Reporteri.net.

Komisioni për legjislacion është ndër komisionet më të rëndësishme kuvendare.

Ky komision analizon dhe vlerëson përshtatshmërinë e akteve të cilat i miraton Kuvendi i Kosovës me Kushtetutën; në raste të caktuara propozon, propozim – ligj, amendament në ligj apo në aktin të cilin e miraton Kuvendi i Kosovës; shqyrton projektligjet në aspektin e kushtetutshmërisë dhe të ligjshmërisë; shqyrton deklarata politike, rezoluta dhe akte të tjera nënligjore në miratim nga Kuvendi i Kosovës nga aspekti i kushtetutshmërisë së tyre.

Fushëveprimtaria e plotë e Komisionit për Legjislacion:

/Reporteri.net/.