Instituti Ndërkombëtar i Shtypit (IPI) ka reaguar pas sulmit ndaj gazetarit të Gazetës Online “Reporteri.net”, Shkumbin Kajtazi.

Në një postim në rrjetin social Twitter, kanë thënë se janë të shqetësuar për tentimin e zjarrvënies së veturës së gazetarit Kajtazi.

Ata bëjnë thirrje që Policia të kryej një hetim të shpejtë për të përcaktuar nëse sulmi ishte i lidhur me punën e tij në medie.

Kajtazi përmes një postimi në llogarinë e tij në Facebook, ka bërë të ditur se dy netë në rrugën “Evlia Çelebia” në Mitrovicë, një person kishte tentuar ta digjte me benzinë veturën e tij. Këtë akt, sipas gazetarit e kanë parandaluar banorët e kësaj rruge, të cilët e kishin njoftuar edhe Policinë e Kosovës.

Reagimi i plotë:

Ne jemi të shqetësuar për sulmin e tentuar të zjarrvënies mbi makinën që i përkiste gazetarit të Reporterit, Shkumbin Kajtazi, në Mitrovicë, Kosovë.

Policia duhet të kryejë një hetim të shpejtë për të përcaktuar nëse sulmi i ligë ishte i lidhur me punën e tij në media.

We are concerned about the attempted arson attack on the car belonging to @reporterinet journalist @shkumbinkajtazi in Mitrovica, #Kosovo

Police must conduct a swift investigation to establish whether the foiled attack was linked to his work in the mediahttps://t.co/Oq9kggqezf

— IPI – The Global Network for Independent Media (@globalfreemedia) June 15, 2020

/Reporteri.net/