Ish-menaxheri i skuadrës së Werder Bremenit, Wili Lemke, nuk e ka pritur mirë humbjen e Dortmundit në shtëpi përballë Mainzit.

Skuadra verdhezi, sipas tij, nuk u impenjua fare duke i bërë një “nder” maincjanëve të cilët me këtë fitore siguruan qëndrimin në Bundesligë për sezonin e ardhshëm, shkruan panoramasport.

Werderi në krahun tjetër është pothuajse e rënë dhe shpresonte te ndalesa e Maincit dhe e Dyseldorfit. “Ishte një humbje e shëmtuar e Borussias. Ndihem shumë i irrituar me atë shfaqje në ‘Signal Iduna Park’.

Nuk dua të paragjykoj askënd, por fakti që Mainzi fiton lehtësisht në Dortmund është i çuditshëm. Tani duhet thënë se shpresa e vetme është që të ndalet Dusseldorfi dhe t’i fitojmë të dyja ndeshjet e mbetura”, tha Lemke për “Focus.de”.