Ministria e Punëve të Jashtme dhe Diasporës  përmes një njoftimi për media ka bëtë të ditur se e ka ftuar Agjencinë Kosovare për Inteligjencë që të vlerësojë sigurinë fizike të informacioneve dhe të mbështes masat për rritjen e nivelit të sigurisë së informacioneve në këtë ministri.

Kjo pasi që siç thuhet në njoftim, pas marrjes së detyrës nga Ministrja Meliza Haradinaj-Stublla, janë vënë re shumë parregullsi sa i përket plotësinë dhe sigurisë së informacioneve të trashëguara nga qeveria e kaluar të cilat cenojnë funksionalitetin e MPJD.

“Për këtë arsye, dhe në bashkëpunim me AKI, MPJD do të merr të gjitha masat e nevojshme administrative dhe ligjore për të garantuar nivelin më të lartë të sigurisë së informacioneve në MPJD”.