Policia në Gjirokastër ka ndaluar një 43-vjeçare, pasi në ambientet e lokalit të saj u gjet i pajetë një 72-vjeçar.

Bëhet fjalë për shtetasen me iniciale M.Z. ku në biznesin e saj në lagjen “18 shtatori” u gjet pa shenja jete K.V. banues në Dropull.

Trupi u gjet dje, rreth orës 11:15 dhe nga këqyrja paraprake nuk u konstatuan shenja dhune.

Njoftimi nga Policia e Gjirokastrës:

Specialistët e seksionit për Hetimin e Narkotikëve dhe Trafiqeve bënë ndalimi me iniciativë të shtetases M. Z.,43 vjeç, banuese në Gjirokastër, pasi në ambientet e lokalit e saj në lagjen “18-Shtatori”, Gjirokastër u gjet i pajetë shtetasi K. V., 72 vjeç, banues në Dropull.

Materialet në ngarkim të shtetases M. Z. i kaluan Prokurorisë Pranë Gjykatës së Shkallës së Parë Gjirokastër për veprat penale “Mbajtja e lokaleve për prostitucion” dhe “Ushtrim prostitucioni”.