Gjykata e Posaçme e Apelit për Korrupsionin dhe Krimin e Organizuar do të shpallë sot më 24 qershor vendimin për ish-Ministrin e Brendshëm Saimir Tahiri dhe ish-drejtorin e Policise së Vlorës, Jaeld Çela.

Prokurorët Vladimir Mata dhe Dritan Prenci kanë kërkuar dënimin me 12 vite burg për dy ish zyrtarët.

Rreth 6 muaj më parë Jaeld Cela dhe ish-ministri Sajmir Tahiri u shpallën fajtor nga Gjykata e Shkallës së Parë për Krimet e Rënda për shpërdorim detyre, ndërkohë që prokuroria kërkoi dënimin për akuzën e trafikut ndërkombëtar të lëndëve narkotike.

Për Saimir Tahirin dënimi i Shkallës së Parë u konvertua në 3.5 vite ne shërbim prove, ndërsa Jaeld Çela u dënua me 5 vite burg.