Ish-zëvendëskryeministri i Kosovës, Haki Abazi ka reaguar në postimin e e të dërguarit të presidentit të SHBA-së, Donald Trump për bisedimet Kosovë-Serbi, Richard Grenell ku ky i fundit njoftonte për anulimin e udhëtimit të presidentit Hashim Thaçi për në Washington, pas ngritjes së aktakuzës nga Gjykata Speciale, shkruan Reporteri.net

Abazi ka shkruar se në takimin në Washington do të marrë pjesë Avdullah Hoti të cilin e ka quajtur kukull të pa legjitimitet.

“Dhe kryeministri kukull dhe pa legjitimitet nuk ka të drejtë të bisedojë apo përfaqësojë askënd në Kosovë. Qeveria e tij është formuar me mbështetjen e Hashim Thaçit”, i ka komentuar Abazi, Grenellit.