Pas deklaratave që ka dhënë publicisti Veton Surroi në lidhje me aktakuzat ndaj Hashim Thaçit e Kadri Veselit, ka reaguar këshilltari i presidentit, Ismail Syla.

Ai ka shkruar në Facebook se Veton Surroi nuk ia falë Hashim Thaçit ç’kapjen nga Serbia.
“Veton Surroi nuk ia falë Hashim Thaçit çlirimin (çkapjen) e Kosovës nga Serbia”, ka shkruar Syla.

Ndryshe, publicisti Veton Surroi është shprehur se aktakuza ndaj presidentit Hashim Thaçi dhe krye-parlamentarit Kadri Veseli nga Prokuroria e Gjykatës Speciale është njëfarë fillimi i ç’kapjes së shtetit të Kosovës.

Surroi, në llogarinë e tij në Tëitter ka shkruar “një fillim dramatik i çlirimit nga kapja e shtetit”.

Poshtë këtij shënimi ai ka shpërndarë njoftimin zyrtar të Gjykatës Speciale, e cila akuzon Thaçin e Veseli për vrasjen e 100 personave.

Përveç Thaçit dhe Veselit prokuroria akuzon edhe tetë persona të tjerë, emri i të cilëve ende nuk është bërë i ditur. Pos akuzave për vrasje, aty ka edhe akuza të tjera për rrahje, toruturë e të tjera./Reporteri