Nga data 1 korrik ishte paraparë të lejohet organizimi i dasmave, hapja e lokaleve të natës e organizimi i shumë ahengjeve të tjera.

Por një gjë ka gjasa duket që nuk do të ndodhë.

Kryeministri Avdullah Hoti në një konferencë për media deklaroi se do të ndalojnë grumbullimin e qytetarëve prej më shumë se 100 persona.

I pyetur nga mediat se a do të hapen dasmat, pishinat e lokalet e natës, Hoti ka lënë të nënkuptohet se vështirë se mund të ndodhë kjo pas rritjes së rasteve të reja me coronavirus, shkruan Reporteri.net.

“Para një jave kur e kemi shqyrtuar situatën plani jonë ka qenë që me 1 korrik të lëvizim në atë drejtim, me gjendjen të cilën po përballemi, vështirë se mund të lëvizim në atë drejtim”, ka deklaruar Hoti. /Reporteri.net/.