Kryeministri i Shqipërisë sot do të përmbyll vizitën në Kosovë, pas takimeve me krerët e shtetit e partive, përjashto me kreun e AAK-së, Ramush Haradinaj.

Zëdhënësja e Aeroportit të Prishtinës, Valentina Gara ka njoftuar se Rama do të mbajë konferencë për media sot në ndërtesën VIP të terminalit të vjetër të aeroportit të Prishtinës.

“Njoftojmë mediat se Konferenca e Kryeministrit të Shqipërise Edi Rama do të jetë në ndërtesën e VIP terminalit afër terminalit të vjetër të ANP’Adem Jashari’, prandaj ju lusim që të drejtoheni atje duke respektuar të gjitha masat e Covid19”, thuhet në njoftimin e Garës.

Rama është takuar me të gjithë liderët e partive politike, e gjithë kjo pas aktakuzës nga Zyra e Prokurorit Special për Presidentin e Kosovës, Hashim Thaçin dhe liderin e PDK-së, Kadri Veselin.