Një shofer kamioni nga Kalifornia bëri një postim prekës në Facebook, ku shprehte keqardhje për vetën vetëm një ditë para se të vdiste nga koronavirusi.

Tommy Macias, 51 vjeç, i cili jetonte në Los Angeles, tha se u infektua me koronavirus në një aheng në fillim të qershorit pasi kufizimet e në shtet ishin lehtësuar, shkruajnë mediat e huaja, transmeton Reporteri.

Në postin e tij, ai e pranoi se duke mos vendosur maskë dhe duke mos mbajtur distancën, ishte bërë fajtor për gjendjen në të cilën ndodhej.

Macias, i cili ishte mbipeshë dhe kishte diabet, i dha fund postimit duke shkruar: “Shpresoj se me ndihmën e Zotit do të jem në gjendje t’i mbijetoj kësaj”. Ai vdiq një ditë më vonë.